Норвешкиот скијач Јоханес Хесфлот Клаебо влезе во историјата освојувајќи шест златни медали во исто толку дисциплини на Зимските олимписки игри, а по завршувањето на Игрите, ја откри и својата тајна на успехот.
На овогодинешните Игри, Клаебо освои злато во поединечен спринт, 10 км слободен стил, 20 км, 50 км класично, тимски спринт и штафета 4×7,5 км.
Норвежанецот сега има вкупно 11 златни олимписки медали, што го прави втор најуспешен олимпиец на сите времиња, веднаш зад Мајкл Фелпс.
А која е тајната на неговиот успех? Суеверието на Клаебо сигурно има многу врска со тоа.
Клебо освои пет златни медали во исто толку дисциплини на Светското првенство во Трондхајм минатата година, носејќи ист пар боксерки во секоја трка.
Тој го направи истото и на Олимписките игри, но со мала промена.
„Ги носам моите „среќни“ боксерки, но сега, за разлика од Светските првенства, кога не се осмелував да ги перам, решив да ги перам по секоја трка“, рече Клебо.
