Ништо не е невозможно во животот, секогаш треба да сонувате и да се стремите кон своите цели, што уште еднаш се докажа во пракса на Зимските олимписки игри во 2026 година.
Американската атлетичарка, Илиана Мајерс Тејлор (41), го освои златниот медал во монобоб.
За прв пат во својата кариера, таа успеа да го освои златното одличје, откако претходно се обиде на пет Зимски олимписки игри, но не успеа – освои три сребрени медали и два бронзени медали.
Американката ја оствари победата со вкупно време од 3:57,93.
Во неизвесно финале, таа беше побрза од Германката Лаура Нолте, која го освои сребрениот медал со разлика од само четири стотинки од секундата (3:57,97).
Бронзениот медал ѝ припадна на друга Американка, Кејли Армбрустер Хамфрис, чие време беше 3:58,05.
Со освојувањето на златниот медал вчера, Мајерс Тејлор се изедначи со легендарната американска лизгачка Бони Блер како најодликувана спортистка на Соединетите Американски Држави на Зимските олимписки игри.
Двете сега имаат по шест олимписки медали. Во исто време, Мајерс Тејлор стана и најстарата Американка во историјата што освоила златен медал на Зимските олимписки игри.
