Тренерот на РК Вардар, Иван Чупиќ ќе го продолжи договорот со клубот на уште една година, потврди првиот човек на шампионот, Михајло Михајловски во гостувањето на Спортското радио 90.3 фм.
„Чупиќ дојде во Вардар со двегодишен договор, а сега ќе ја продолжиме соработката за уште една година“, изјави Михајловски.
Во својата прва година како тренер на Вардар, Хрватот ја освои двојната круна на домашната сцена и ги однесе „црвено-црните“ до четвртфиналето на ЕХФ Европската лига.
