Во првиот натпревар од баражот за пласман на Светското првенство во Германија на гостувањето во Прешов, Македонија ја совлада Словачка со убедливи 31:24 (18:13).
Домаќините се држеа до средината на првото полувреме, кога избраниците на Кирил Лазаров „додадоа гас“ и поведоа со +5. Во второто полувреме само се одржуваше предноста а во еден момент водевме и со осум гола разлика.
Најефикасни за „жолто-црвените“ беа Кузмановски со 10 гола и Лазаревски со седум. Томовски одбрани 13 удари на противникот.
Реваншот е закажан за 17 мај од 19.00 часот во СЦ „Борис Трајковски“ во Скопје.
Светското првенство се игра од 13-31 јануари 2027 година.
.){kind=link}