РК Вардар во новата сезона ќе има нов капитен – голманот Васил Гогов. Играчот кој долго време е верен на клубот сега добива нова и одговорна улога – да биде лидер на тимот на теренот и надвор од него.
„Капитенската лента е чест, но и обврска. Таа носи одговорност, карактер и пример за сите во соблекувалната. Веруваме дека Васил со својата посветеност, работа и љубов кон клубот ќе ја носи достоинствено“, порачаа од клубот.
Негов заменик-капитен во новата сезона ќе биде Јака Малус, еден од најискусните играчи во тимот и важен дел од играта на РК Вардар.
