Јапонецот Косуке Јасухира потпиша со ГРК Охрид, соопштија од клубот попладнево. Игра на позицијата среден бек и има 25 години.
Косуке доаѓа на позајмица до крајот на оваа сезона да и помогне на екипата во остварување на што подобри резултати. Тој е јапонски репрезентативец и доаѓа од екипата на Бурган од Кувајт.
Познат е на македонската публика откако играше за екипата на РК Вардар 1961 пред 2 сезони.
„Пресреќен сум што се враќам во Македонија, во тимот има добри мои пријатели од Вардар, едвај чекам да заиграм за Охрид утре против Тиквеш, па потоа да можам да им помогнам на моите соиграчи за поуспешна сезона. Среќен сум за ваквиот пречек од нашите навивачи, тоа ми дава уште поголема мотивација“, изјави Косуке, цитиран од клубот.
