„Конечниот резултат ми делува логичен“. Вака го сумираше тренерот на Вардар, Иван Чупиќ, поразот од 23-33 од Монпелје во првиот меч од четвртфиналето во Европската лига на ЕХФ.
Иако не можеше да смета на бековите Јака Малус и Дмитро Хориха, поранешниот хрватски репрезентативец не најде решение за огромниот пад во играта во вториот дел од натпреварот.
„Првото полувреме беше добро, игравме дисциплинирано во одбрана. Се обидовме да ја спречиме транзициската игра на Монпелје. Игравме 7 на 6 за да ги смениме нештата бидејќи имавме лимитиран ростер. Разочаран сум од почетокот на второто полувреме, направивме многу грешки и потоа беше многу тешко. Конечниот резултат ми делува логичен“, рече Чупиќ по мечот.
