ГРК Охрид и Еурофарм Пелистер одиграа нерешено 28:28 во дербито на првото коло од ракометната Суперлига.
Петар Атанасијевиќ од гостинскиот тим погоди во последната секунда и им донесе на битолчани бод.
Двата тима во текот на натпреварот се менуваа во водство, и било кој да ја земеше победата немаше да биде незаслужено, но на крајот се чини реми е најправеден исход.
Мете со 11 голови беше најпрецизен за охриѓани, а капитенот на пелистерци, Кузмановски постигна 10.
