Борис Ројевиќ го продолжи договорот со ГРК Охрид до 2029 година, соопштија денеска од клубот.
„Заедно испишавме историја. Заедно го освоивме првиот европски трофеј. Заедно покажавме дека Охрид може да сонува и да победува големо.
Но, ова не е крајот на приказната“, порачаа од управата на ГРК Охрид.
Според нив, амбициите на тимот остануваат највисоки – нови трофеи, како и напад на шампионската титула.
„Охрид, езерото, атмосферата во клубот, полните трибини и нашите навивачи го „врзаа“ Роја за градот. А тој со својата енергија, страст и победнички менталитет стана дел од охридската ракометна приказна“, порачаа од охридскиот клуб.
