Три месеци по Големата награда на Монако, трката во Кнежевството доживеа уште една промена во исходот, откако Апелациониот суд на ФИА ја потврди жалбата на Мекларен и Ред Бул во врска со двете казни од 5 секунди на Пјер Гасли.
Французинот беше меѓу возачите кои беа казнети за пребрзо возење во боксот за време на трката. Сепак, подоцна се покажа дека мерењето било погрешно и поради оваа причина, по протестот на Алпин, двете казни на Французинот беа поништени неколку дена подоцна. Ова ги налути другите тимови, чии возачи ги отслужија своите казни за време на самата трка, а не по неа, како што се случи со Гасли.
На крајот, Мекларен и Ред Бул поднесоа жалба до Апелациониот суд на ФИА, кој е конечен орган за сите прашања. Рочиштето пред магистратите беше на 25 август, а денес конечно ја објавија својата одлука.
Тие повторно му ги наметнаа двете казни од 5 секунди на Гасли, со што возачот на Алпин го спушти од третото на седмото место, а победници од целата ситуација излегоа Исак Хаџар, Оскар Пјастри, Лиам Лосон и Арвид Линдблад, кои се искачија за една позиција.
Покрај Гасли, санкционирани за пребрзо возење во боксовите во Монако беа и Пјастри, Луис Хамилтон и Џорџ Расел, чија трка се претвори во вистински кошмар како резултат на оваа казна и тој заврши надвор од бодовите.
