РК Вардар вечерва во Гевгелија го совладаа тимот на ГРК Охрид со 32:31 (17:15) и го освоија трофејот во Суперкупот на Македонија. За „црвено-црните“ ова е петти трофеј од ова натпреварување.
Иако Охрид имаше водство во поголем дел од второто полувреме, последните минути беа во знакот на тимот на Иван Чупиќ. Вардар во последните пет минути постојано имаше водство кое го одржа до крајот.
Вукашин Воркапиќ постигна 12 гола од 14 обиди, Јака Малус постигна 7 гола, а Милош Валах запиша 7 успешни одбрани за успешната најава на новата сезона.
Кај Охриѓани Дарко Ѓуќиќ реализираше пет погодоци.
