РК Вардар 1961 го совлада ГРК Охрид со 31:21 во натпревар од 3 коло од плеј-офот во Супер лигата кој се одигра вечерва во салата „Јане Сандански“.
Охриѓани во Скопје допатуваа со ослабен состав, а се поради реванш четвртфиналниот дуел во ЕХФ Европскиот Куп против Олимпијакос, што разочара многу фанови кои очекуваа вистинско дерби.
Митровиќ со шест гола го предводеше Вардар до новата победа, а тоа беше 24-та во првенството за скопскиот тим.
„Црвено-црните“ остануваат лидери на табелата со предност од 6 бода пред актуелниот шампион Пелистер.
