Проблематичната форма на Фил Фоден во Манчестер Сити се „прелеа“ и на репрезентацијата на Англија, тврди селекторот на „Гордиот Албион“ Томас Тухел.
Германецот го повика во репрезентацијата за пријателските натпревари против Уругвај и Јапонија во обид да се етаблира за претстојното Светско првенство, но се чини дека ова навистина не вроди со плод.
„Тој даде сè од себе. Би рекол дека беше добар на тренинзите, но се мачеше да го покаже тоа на натпреварите. Во последно време немаше многу минути за Манчестер Сити. Но, дојде на средбата со голема насмевка и беше многу добар на тренинзите, па мислев дека ќе нè изненади и ќе игра со истата страст и возбуда, но се мачеше да биде влијателен“, рече Тухел.
Кога новинарите го прашаа како може да го однесе играчот на Светското првенство кој се мачи во клубот, Тухел даде интересен одговор.
„Можеме. Но, прашањето е дали ќе го сториме тоа. Не е гарантирано дека ќе дојде со нас. Ќе видиме“, рече германскиот стручњак.
