Арсенал обезбеди најмалку 105,6 милиони евра за пласман во финалето на Лигата на шампионите во сезоната 2025/26, објави Би-Би-Си. Таа сума би можела да биде поблиску до 150 милиони евра, во зависност од приходите од ТВ права што клубот ги добива од УЕФА.
Доколку го победат ПСЖ, англискиот тим ќе добие најмалку 109,5 милиони евра награден фонд за Лигата на шампионите оваа сезона. Успехот во самото финале ќе донесе дополнителни средства.
Арсенал доби 18,62 милиони евра за учество во групната фаза. За победа во сите осум натпревари од групната фаза, тимот доби бонус од 16,8 милиони евра. Потоа клубот доби 2 милиони евра за пласман меѓу првите осум и дополнителни 9,9 милиони евра за пласман на првото место во групната фаза.
Тимот на Микел Артета доби 11 милиони евра за пласман во последните 16. Дополнителни 12,5 милиони евра беа додадени за пласман во четвртфиналето и 15 милиони евра за пласман во полуфиналето. Како финалисти, Арсенал веќе обезбеди дополнителни 18,5 милиони евра. Оваа сума ќе се зголеми на 25 милиони евра ако го победат ПСЖ.
Финалето на Лигата на шампионите на 30 мај. Натпреварот на Пушкаш Арената во Будимпешта започнува во 18 часот.
