Италијанските даночни власти во последните години ги таргетираа возачите и тимовите од Формула 1 за потенцијално даночно затајување за време на трките во Италија.
Според италијанските даночни закони, секој спортист е должен да плаќа данок на приход остварен за време на трките на италијанска територија, вклучувајќи ја и платата на спортистот. Сепак, во пракса, овој закон не се спроведува строго, но сега весникот „Ил Ресто дел Карлино“ објавува дека италијанската економска полиција започнала истрага за возачи и тимови од Формула 1.
Според „Ил Ресто дел Карлино“, италијанските даночни власти барале даночни пријави од тимовите и возачите во последните неколку години, кога на „чизмата“ се одржуваа две или дури три трки годишно.
Доколку се утврди дека некое лице или организација има неплатени даноци од повеќе од 50.000 евра, ова би можело да предизвика сериозни проблеми, бидејќи според италијанскиот закон, таквите даноци се сметаат за кривично дело.
Сличен даночен систем за спортисти кои не се резиденти е воспоставен и во Австралија, Обединетото Кралство и САД.
