Бодо/Глимт синоќа предизвика сензација во плејофот за осминафиналето на Лигата на шампионите со елиминирањето на Интер, а заработката на норвешкиот клуб е во согласност со сензациите што ги создадоа и со кои го продолжија престојот во елитното натпреварување барем до средината на март.
Во осминафиналето на Лигата на шампионите ќе играат против Манчестер Сити, кого веќе го победија во лигашката фаза, или против Спортинг Лисабон.
Ќе го дознаат својот противник во петок, и без оглед на тоа како ќе играат против кој било од нив, на Бодо му се загарантирани 11 милиони евра за влез во осминафиналето на Лигата на шампионите.
— FK Bodø/Glimt (@Glimt) February 24, 2026
Норвешкиот клуб досега заработи околу 51 милион евра од Лигата на шампионите оваа сезона, при што 40 милиони евра се загарантирани преку нивниот пласман во лигашката фаза, резултатите во таа фаза, пласманот и вредноста.
Потсетуваме, Бодо победи синоќа со 2:1 на „Меаца“ и со вкупен резултат од 5:2 се пласираше во следната фаза.
Тимот од малото гратче на северот од Норвешка веќе ги демолираше Атлетико Мадрид и Манчестер Сити оваа сезона.
Осминафиналето од Лигата на шампионите ќе се игра и 200 километри северно од Арктичкиот круг во малото рибарско гратче Бодо.
