Светскиот број еден, Карлос Алкараз веројатно ќе го пропушти турнирот Мастерс 1000 во Рим, изјави Фелисијано Лопез.
„Тој има воспалена тетива на зглобот. Се надевам дека не е скината. Најважно сега е неговото закрепнување. Има многу мали коски и тетиви на зглобот. Имав слична ситуација – бев надвор од теренот околу два месеци. Во тоа време не можев ниту да држам рекет. Ролан Гарос е за околу пет недели, но не знам точно колку е сериозна неговата ситуација. Во секој случај, му посакувам брзо закрепнување бидејќи ова е клучна фаза од сезоната. Да, Карлос победува на секоја подлога, но Мадрид е следниот, потоа Рим, а потоа Ролан Гарос“, изјави Лопез за медиумите во Шпанија.
Поранешниот тенисер моментално е директор на турнирот Мастерс 1000 во Рим.
Алкараз претрпе повреда на зглобот додека играше во Барселона минатата недела и објави дека ќе го пропушти Мастерс 1000 во Мадрид, кој започнува во среда.
„Речиси е невозможно за него да игра во Рим. Се надевам дека ќе се опорави на време за Ролан Гарос. Навистина му посакувам се најдобро“, рече Шпанецот Фелисијано Лопез.
Турнирот во Рим започнува на 6 мај.
