Поранешниот светски број 1, Енди Мареј, призна дека би можел да се врати на тренерската работа во иднина.
„Мислам дека во одреден момент можеби повторно ќе размислам за тоа. Моите приоритети се различни во моментов, но дефинитивно би се вратил на тренерската работа. Ми се допаѓа идејата да работам со помлад играч, слично на она што го правев со Хуан Карлос Фереро и Карлос Алкараз. Не очекувам исти резултати, но дефинитивно ми се допаѓа форматот. Сметам дека таа опција е многу интересна, но дефинитивно не сега. Возбудливо е да му се помогне на некој што е млад и перспективен“, изјави 38-годишниот Британец за „Атлетик“.
Трикратниот Гренд слем шампион и двократен олимписки шампион беше тренер на поранешниот светски број 1, Новак Ѓоковиќ, од ноември 2024 до мај 2025 година. Тие се разделија по меѓусебна согласност.
