Најдобрата македонска тенисерка, Лина Ѓорческа, ќе се натпреварува во квалификациите за пласман во главната ждрепка на Ролан Гарос.
Во наредните денови треба да биде извршена ждрепката за првото квалификациско коло, по што ќе биде познато и името на нејзината противничка на стартот од настапот во Париз.
Откако се опорави од повредата, Ѓорческа настапи на турнирите во Дубровник, Мадрид и Порторож, а само на ВТА 125 турнирот во шпанската престолнина имаше позабележителен настап, откако загуби во четвртфиналето.
Македонската тенисерка моментално е на 190 место на ВТА листата.
