Нема сомнение дека најтешката задача во тенисот денес е да се победи Јаник Синер. Колку е тешко, најелоквентно објасни Џон Мекинро, кој со седум Гренд слем титули е сепак многу поуспешен од моменталниот број 1, кој има четири.
– Прво треба да се помолите за победа против него. Сериозно го мислам тоа. Тој е толку добар – нагласи Американецот за „TNT sports“.
Италијанецот ги комплетираше сите титули на Мастерс 1.000 минатата недела во Рим, а сега во Париз има шанса да ги комплетира сите трофеи на Гренд слем турнирите. Во тој случај, тој би бил најмладиот во историјата што ги освоил сите најважни натпреварувања на АТП турнејата. Тој веќе има два трофеи од завршниот Мастерс турнир. Само Новак Ѓоковиќ може да се пофали дека го постигнал ова, но имал 31 година кога го завршил овој опус. Синер сега има 24.
– Против Јаник мора да најдете начин да му влезете во главата, а тоа е исклучително тешко. Тој е одличен човек и точно знае што се обидуваат да направат неговите противници. Неговиот распон на рацете е голем, па затоа мора да барате поостри агли, да користите удари од нула и да го доведете до мрежата, особено на земјена подлога каде што може да се лизне, изјави легендарниот тенисер.
Вториот императив против светскиот број 1, според Мекинро, е:
„Не смеете да му ја дадете иницијативата. Затоа мора да преземете малку поголем ризик при „ретрнот“. Неговиот сервис е многу подобар од претходно, па затоа мора да одлучите дали да останете назад или да одите на линијата за веднаш да нападнете“.
Мекинро има и еден совет базиран на сопственото искуство. Особено затоа што сонцето може да биде многу силно во Париз:
„Ако е многу жешко, играчите со светла кожа, како него и мене, понекогаш страдаат повеќе“.
