Арина Сабаленка уште еднаш покажа зошто е тенисерка број еден во светот. Белорусинката помина низ вистински тениски трилер против Линда Носкова, беше во проблеми во решавачкиот сет, но на крајот се најде во полуфиналето на Отвореното првенство на САД по 7:6, 3:6, 7:6.
Белорусинката направи ран брејк во првиот сет, но Носкова не дозволи сетот да ѝ се „лизне“. Чехињата возврати, стигна до 5:4 и се избори за тајбрејк. Сепак, Сабаленка таму беше многу посигурна и го доби убедливо со 7:1.
На Носкова потоа ѝ беше потребен еден добар удар за да ја преземе контролата врз вториот сет. Со брејк во шестиот гем, таа доби предност што ја одржуваше без поголеми проблеми и стигна до 1:1 во сетови.
Чехињата поведе со 4:2 во третиот сет и се чинеше дека Сабаленка е сериозно потресена. Светската бр.1 сепак не се предаде. Го врати брејкот, израмни на 4:4 и повторно дојде до тајбрејк.
HOLDING ON TO THE THRONE 👑
Aryna Sabalenka remains on course for a US Open three-peat, rallying from 2-4 down in the decider to defeat Noskova 7-6, 3-6, 7-6! pic.twitter.com/ifsSFaLQJU
— US Open Tennis (@usopen) September 8, 2026
Сабаленка таму подобро се справи со притисокот. Во решавачкиот тајбрејк славеше со 10:7 и по повеќе од два часа борба избори место меѓу најдобрите четири на Отвореното првенство на САД.
Нејзин противник во финалниот натпревар ќе биде подобрата од натпреварот Пегула – Наваро.
