Светската тенисерка број еден, Арина Сабаленка, жали за елиминацијата на Јаник Синер од Ролан Гарос. Синер беше неочекувано нокаутиран во второто коло од Хуан Мануел Серундол по пет сета и големи физички проблеми.
„Ми беше многу жал за него. Секогаш го поддржувам Јаник, беше доста болно да го гледам како страда“, рече Сабаленка, додавајќи:
„Бев уверена дека ќе победи, сè до последната топка, го очекував тоа. Не размислував за мојот распоред или кога ќе играм. Ако натпреварот започне подоцна, во ред. Само се грижев дека нема да може да го заврши натпреварот.“
Синер сега ќе направи пауза и ќе се подготви за Вимблдон.
„Она што му се случи е тажно, но уверена сум дека ќе се врати уште посилен. Сега е време да се опорави, да се одмори и да биде подготвен за сезоната на тревa. Штета што го напуштi турнирот толку рано“, рече Сабаленка.
Сабаленка стигна до осминафиналето, каде што ја чека Наоми Осака.
