Италијанскиот тенисер Јаник Синер се пласираше во четвртфиналето на Мастерсот во Рим со победа над сонародникот Андреа Пелегрино.
Светскиот рекет број еден го победи 155-тиот рангиран играч на АТП листата за нешто повеќе од еден час со резултат од 2:0 (6:2, 6:3).
Синер со тоа го израмни рекордот на Новак Ѓоковиќ за бројот на последователни победи на турнирите од Мастерс серијата – 31.
За да го сруши, ќе треба да го добие следниот натпревар во кој ќе се сретне со победникот од дуелот Андреј Рубљов – Николоз Басилашвили.
Во однос на денешниот натпревар, Синер го демонстрираше својот квалитет во италијанскиот судир и ниту за момент не го доведе во прашање своето место во четвртфиналето.
