Спортскaта вест на денот е дека шпанскиот тенисер Карлос Алкараз ќе мора да го пропушти Ролан Гарос поради повреда. Отсуството на двократниот шампион во Париз сигурно ќе го стави Јаник Синер во улога на апсолутен фаворит за освојување на петтиот трофеј од Гренд слем во кариерата на Ролан Гарос, а воедно и за комплетирање на „кариерен Гренд слем“, откако досега двапати го освои Австралија Опен, а по еднаш и САД Опен и Вимблдон.
Синер, првиот играч на АТП листата, денес преку Бенџамин Бонци стигна до третото коло од Мастерс турнирот во Мадрид, а по тој дуел проговори за својот најголем ривал.
„Навистина е тешко. Тажно е за тенисот, Карлос е бранител на титулата, а јас сум негов ривал. Ова се лоши вести“, рече Синер, а потоа испрати порака за поддршка до Шпанецот: „Му посакувам брзо закрепнување, се надевам за Вимблдон“.
