Третиот тркачки викенд во Мото ГП започна. Првата слободна тренинг сесија заврши на патеката во Остин, а најбрзото време го забележа Педро Акоста.
Сесијата беше обележана и со падот на Марк Маркез на патеката, што предизвика кревање црвени знамиња. За среќа, возачот на Дукати помина без повреди.
Акоста, возачот на КТМ, го постави најбрзиот круг – 2:01.715.
Веднаш позади него беа Фабио ди Џанантонио и Хорхе Мартин, додека Марк Маркез заврши со четврто најбрзо време (+0,378 во споредба со Акоста). Раул Фернандез беше петти.
Десетте најбрзи во првата сесија ги комплетираа Алекс Маркез, Лука Марини, Аи Огура, Марко Бецеки и Франко Морбидели.
Франческо Бањаја го имаше 11-то најбрзо време во сесијата (+0,796 во споредба со Акоста).
Возачите од кралската класа ќе се вратат на патеката во 21 часот.
