Александар Зверев долго време е на врвот на светскиот тенис, но никогаш не успеал да го подигне најголемиот трофеј. Не е дека немал шанса, но е убеден дека наскоро доаѓа нов.
Германскиот тенисер го декласираше Франческо Черундоло со одлична игра и се пласираше во полуфиналето на Мастерс турнирот во Мајами, каде што ќе се соочи со Јаник Синер.
Во последните шест средби, Италијанецот славеше, со само два загубени сета.
„Одигравме многу добри натпревари во последните неколку години, беше многу блиску пред неколку месеци. Вистина е, тој победуваше секој пат, но се надевам дека исходот ќе биде различен овој пат. Во Индијан Велс бев лош, мојот сервис ме разочара најмногу. Ќе се потрудам да го променам тоа сега“, рече третиот рекет на светот.
28-годишниот тенисер од Хамбург се приближува до 200 победи на Мастерс турнирите, заедно со седум титули во серијата 1000. Сето тоа е второстепено во однос на неговата главна цел, која сè уште не ја постигнал.
„Најважно за мене е да ја доведам мојата игра до ниво на освојување на Гренд слем. Тоа е мојот главен фокус, мојата примарна цел. Чувствувам дека можам да го направам тоа. Минатата година не мислев така, играв лошо и се повредив. Кога играте во постојана болка, тешко е да го извлечете најдоброто од себе. Самодовербата ви паѓа и не е лесно да се извлечете од тоа. Оваа сезона е поинаква, имам чувство дека ќе се случи. И ќе се случи“, верува трикратниот финалист на Гренд слем турнирите.
Тој не стигна далеку во својот прв обид во тековната кампања. Беше елиминиран од Карлос Алкараз во полуфиналето на Австралија Опен, по битка од пет сета што траеше пет и пол часа. Сервираше Саша за натпреварот, но како и обично – немаше сила да го доврши својот ривал.
