Шарл Леклер од Ферари постави најбрзо време во последната утринска сесија од тестирањето пред новата сезона во Формула 1. Возачот од Монако постави најдобар круг од 1:33,689 секунди со средни (C3) гуми во првиот дел од тестот, завршувајќи на првото место во пласманот по трет пат во последните две недели.
Освен што беше брз, Леклер извози и голема километража од 80 круга на патеката Сахир. Тој, исто така, изврши целосна симулација на трката на средина од сесијата, зацврстувајќи ја силната позиција на Ферари. Пилотот користеше средни и тврди гуми на вториот ден од тестирањето на новото задно крило на италијанскиот конструктор, објави motorsport.com.
Леклер беше 0,227 секунди побрз од Кими Антонели, кој исто така го постави својот најдобар круг со C3 гуми. Сепак, 19-годишниот возач на Мерцедес комплетираше само 49 круга откако го предизвика единственото црвено знаме утрото по инцидент помеѓу кривините 10 и 11. Првите тројца ги комплетираше Оскар Пјастри, кој заостануваше 0,663 секунди. Тој „сврте“ 66 круга за Мекларен.
Естебан Окон импресионираше во Хаас, комплетирајќи 82 круга и завршувајќи две десетинки од секундата зад Пјастри. Исак Хајар ги комплетираше првите пет во Ред Бул, 0,882 секунди зад Леклер.
Последен во денот беше Ленс Строл од Астон Мартин, кој заврши само два круга поради проблем со моторот на Хонда. Тој беше регистриран во средата и значително влијаеше на Фернандо Алонсо вчера. Значи, Строл не излезе на патеката до последниот четврт час денес.
