Неизбежниот и веќе потврден трансфер на Џанпјеро Ламбиазе од Ред Бул во Мекларен доведе до интересен дополнителен сет гласини за промени во други тимови.
Големиот шеф на Мекларен, Зак Браун, веќе објави дека Ламбиазе ќе работи под водство на сегашниот шеф на тимот, Андреа Стела. Но, во исто време, шпекулациите дека Стела ќе замине се зголемуваат, па дури има и непотврдени информации дека тој потпишал прелиминарен договор со Ферари.
А германскиот новинар Феликс Хернер објасни за Sports.de дека постои реална можност Стела да се врати во Маранело.
„Ламбиазе го напушта Ред Бул поради перспективите што ги има во Мекларен за развој на неговата кариера“, објасни Хернер.
„Мекларен ќе го подготви да го заземе местото на Андреа Стела на чело на тимот. Не е исклучено дека сè ќе почне да се развива многу побрзо од 1 јануари 2028 година. Бидејќи од овој трансфер се можни и други интересни промени. Стела би можела да го замени Фредерик Васер во Ферари. Проблемот е што претседателот на Ферари, Џон Елкан, сака Италијанец да ја води Скудерија, Андреа Стела е идеален кандидат. Ако се случи ова, ќе видиме домино ефект во Формула 1.“, додаде новинарот.
Стела (55) работеше во Ферари од 2000 до 2015 година, каде што беше тркачки инженер за Кими Раиконен, а потоа за Фернандо Алонсо, а потоа се пресели со Шпанецот во Мекларен.
