Седумкратниот светски шампион во Формула 1, Луис Хамилтон, заврши шести во квалификациите за Големата награда на Мајами, но беше задоволен од својот настап во Ферари СФ-26.
„Тоа е подобрување, направивме многу промени во автомобилот, немавме никакви проблеми со софтверот, па мислам дека напредуваме“, коментираше Британецот. „Направивме чекор напред. Мислам дека нашиот настап во вториот дел од квалификациите беше солиден, но во третиот дел не успеав да го извлечам максимумот од автомобилот.
„Сакам да бидам повисокo на стартната линија, бидејќи завршив шести, мислам дека беше можно да се борам за место меѓу првите тројца во квалификациите.
Но, тоа ќе беше можно ако почневме со овие промени на автомобилот во петок, за да работиме во сабота во таа насока, бидејќи сега сме многу понапред во споредба со почетокот на викендот. Претпоставувам дека отидов во погрешна насока во мојата работа на симулаторот пред викендот и затоа работите испаднаа вака овде.
Очекувам да имам многу подобар автомобил за трката, но ќе возиме на влажно, па затоа сум уверен во рамнотежата што ја направивме и дека ќе имаме добро темпо.“, порача Британецот.
