Возачот на Ферари, Луис Хамилтон, изјави дека планира да го промени својот пристап кон возењето на автомобилот за следната рунда од сезоната во Формула 1 по разочарувачката трка во Мајами минатата недела.
„Ќе возам поинаку за следната трка. Методите што ги подготвуваме сега не ни помагаат многу. Ќе видиме како ќе се снајдеме на следната трка. Да не беше штетата на стартот, веројатно ќе се боревме за врвните позиции. Автомобилот се покажа добро во круговите пред почетокот. Штета што сè испадна вака, овој резултат не го одразува целиот труд што го вложи тимот. Подобро е да го заборавиме викендот во Мајами и да продолжиме понатаму за да видиме дали можеме подобро да нападнеме на следната трка“, коментираше седумкратниот шампион во Формула 1, Хамилтон, цитиран од racingnews365.
Британецот е на петтото место во генералниот пласман кај возачите со 51 бод по 4 рунди од шампионатот.
Гран При на Канада ќе се одржи во Монтреал на 24 мај.
