Макс Верстапен, еден од најдобрите возачи во историјата на Формула 1, наскоро ќе го напушти Ред Бул, објави поранешниот возач Гидо ван дер Гарде во својата колумна за FORMULE 1 Magazine.
Веќе е познато дека во 2028 година, инженерот Џанпјеро Ламбиазе ќе го напушти Ред Бул и ќе оди во Мекларен, а Ван дер Гарде верува дека Верстапен ќе го „крене сидрото“ пред него.
„Ги ставам парите на Макс. Ред Бул нема контрола врз работите, а Макс сака автомобил со кој може да победува и освојува титули. Толку е едноставно. Исто така, мислам дека Макс ќе го направи следниот чекор по оваа сезона“, напиша Ван дер Гарде.
Неговото тврдење доаѓа во време кога Ред Бул минува низ тешки времиња, по промените на правилата тие не се толку силни како порано, а Верстапен наводно е многу незадоволен.
Пред неколку недели, дури имаше и тврдење дека Макс размислува да ја заврши кариерата по оваа сезона. Што и да одлучи, сè укажува дека нема да го видиме во болид на Ред Бул следната година.
