Шефот на Мекларен во Формула 1, Андреа Стела, е уверен дека напредокот што го постигнаа светските шампиони во голема мера се должи на погонскиот склоп на Мерцедес.
„Постојат знаци на напредок за нас – подобри перформанси и ние сме поконкурентни – објасни Италијанецот. – Мислам дека нашиот напредок доаѓа од подобрата работа со нашиот автомобил и подоброто користење на нашиот погонски склоп.
„Секогаш знаевме дека управувањето со овие погонски склопови ќе биде тешко, но учиме повеќе за нив, ги поставуваме подобро, работиме подобро со инженерите на Мерцедес и тоа ни дава подобри времиња.
„Добро е што се бориме со Ферари, но тие се уште се пред нас, би бил изненаден ако успееме да ги престигнеме утре во трката.“, додаде Стела.
