Шпанскиот возач Алекс Маркез ќе биде член на фабричкиот тим на КТМ во шампионатот МотоГП од сезоната 2027 година. Австрискиот производител потврди дека потпишал повеќегодишен договор со двократниот светски шампион, со што Маркез ќе го напушти тимот Гресини по четири сезони.
Одлучувачки фактор во неговата одлука беше можноста да стане возач за фабрички тим. Маркез заврши втор во генералниот пласман на МотоГП во 2025 година како член на Гресини, а интересно е што ја постигна својата прва победа на Светското првенство уште во 2013 година на мотоцикл на КТМ, во класата Мото3 на патеката „Мотеги“ во Јапонија.
BREAKING: @alexmarquez73 will join @KTM_Racing on a multi-year deal from 2027 🚨 #MotoGP #AlexMarquez pic.twitter.com/mYnIVHAs4I
— MotoGP™🏁 (@MotoGP) July 6, 2026
Директорот за моторспорт на КТМ, Пит Бајерер, нагласи дека со доаѓањето на Маркез, клубот добива врвен возач, чие искуство, брзина и победнички менталитет претставуваат важен чекор во развојот на мотоциклот КТМ RC16 и борбата за самиот врв на МотоГП шампионатот.
Сопственичката на Гресини, Надија Падовани, исто така се збогува со Маркез со емотивна порака, заблагодарувајќи му се за нивните заеднички успеси и велејќи дека тимот има уште едно важно поглавје пред себе до крајот на сезоната.
Италијанецот Фабио Ди Џанантонио ќе вози заедно со Алекс Маркез во фабричкиот тим на КТМ од 2027 година.
