Аурелиен Чуамени стана главна цел за средниот ред на Манчестер Јунајтед, тврди шпанскиот весник „Ас“. Според изданието, „Црвените ѓаволи“ ќе започнат разговори со Реал Мадрид за евентуален трансфер на Французинот за неколку дена.
Англискиот клуб бара замена за Касемиро, но не успеа со своите први две цели, кои беа Матеуш Фернандеш и Елиот Андерсон. Трансферот на Едерсон од Аталанта ќе биде финализиран наскоро, но ова нема да биде единственото засилување на средниот ред на Манчестер Јунајтед.
Според „Ас“, „Црвените ѓаволи“ се подготвени да издвојат сериозна сума за Чуамени, при што Реал сака над 100 милиони евра за него.
Односот меѓу двата клуба е добар и тие се отворени за меѓусебно работење. Два од најсериозните трансфери на Реал Мадрид во последните години беа во насока на „Олд Трафорд“. Прво, во летото 2021 година, Манчестер Јунајтед го купи Рафаел Варан за 50 милиони евра, а една година подоцна го привлече и Каземиро за 72 милиони.
