Поранешниот шампион во две дивизии на UFC, Конор Мекгрегор, е се поблиску до враќање во октагонот откако претседателот на организацијата, Дана Вајт, потврди дека се очекува Ирецот да ја продолжи кариерата ова лето.
Мекгрегор (37) не влегол во кафезот од јули 2021 година, кога загуби по втор пат по ред од Дастин Поарје. Нивниот последен судир заврши драматично за Ирецот, кој ја скрши ногата на крајот од првата рунда.
Од почетокот на 2026 година, постојано се појавуваат информации дека Мекгрегор е во преговори за враќање, а најверојатниот датум е 11 јули на UFC 329 во Лас Вегас.
Сепак, Дана Вајт сè уште не откри конкретни детали за можната борба.
„Одлично се справуваме со Конор“, рече Вајт во интервју за Џим Роум.
„Апсолутно сум уверен дека Конор ќе се бори оваа година. Убеден сум дека ќе ја рестартираме неговата кариера. Сè уште не сме објавиле ништо официјално, но можам да кажам едно – тој ќе се бори ова лето“, додаде претседателот на UFC.
Според Вајт, Мекгрегор покажал сериозна мотивација и став кон неговото враќање.
„Се чини мотивиран, тренира напорно. Има многу позитивни работи што се случуваат зад сцената што ме наведуваат да верувам дека овој пат навистина ќе го видиме повторно во акција“, додаде тој.
По повредата против Поарjе, Мекгрегор помина низ долг период на закрепнување и неколку неуспешни обиди за враќање, што покрена сомнежи дали некогаш повторно ќе се натпреварува на највисоко ниво.
Сепак, се чини дека 2026 година конечно би можела да го заврши чекањето, а фановите повторно на големата сцена ќе ја видат една од најголемите ѕвезди во историјата на MMA.
