Џејк Пол откри дека потенцијалната борба против светскиот шампион во тешка категорија Олександр Усик е сè уште дел од неговите идни планови.
Американскиот јутјубер и боксер призна дека таква борба би му била исклучително тешка, но не го крие својот интерес за средба со Украинецот.
„Сè уште нема датум, но оваа борба дефинитивно е во плановите. Усик веројатно брзо ќе ме заврши – тој е во друга лига и според мене е најдобриот боксер на нашето време“, рече Пол.
Тој дури и коментираше дека би имал поголема шанса против Усик во ММА формат.
„Мојата единствена шанса во ММА би била да го соборам на земја и да победам со „потчинување“, додаде Американецот.
Во меѓувреме, Олександр Усик има сериозна обврска пред себе. На 23 мај, тој ќе се соочи со холандската ѕвезда во кикбокс, Рико Верховен, во Египет, со титулата во тешка категорија на WBC како залог.
Последната борба на Џејк Пол заврши неславно откако беше нокаутиран во шестата рунда од Ентони Џошуа, поранешен ривал на Усик.
Сепак, Пол продолжува да бара големи имиња и спектакуларни натпревари во боречките спортови.
