Американскиот борец во тешка категорија, Џош Хокит, упати нова критика кон шампионот на UFC, Том Аспинал, овој пат анализирајќи го неговиот стил на борба и предупредувајќи дека прекумерната агресија може да стане негова најголема слабост.
„Том е премногу агресивен, секогаш напаѓа. Тоа ги прави неговите борби спектакуларни, но тоа ќе продолжи само додека не се појави противник кој може да се спореди со неговиот атлетизам. Неговата сила е исто така и негова слабост“, рече Хокит, цитиран од Bloody Elbow.
Коментарот доаѓа само неколку дена откако Аспинал објави дека сега тренира без никакви ограничувања и е подготвен да се врати во октагонот во септември. Очекувањата се дека Британецот тогаш ќе се соочи со привремениот шампион Сирил Ган во една од најочекуваните борби во тешка категорија.
Ова не е прв пат Хокит вербално да го нападне шампионот. По победата над ветеранот Дерик Луис на УФЦ Галата пред Белата куќа, Американецот дури изјави дека Аспинал треба да биде отпуштен од организацијата поради неговите чести поплаки за противниците и неговата ретка активност во октагонот.
