Конор Мекгрегор се надева на добри вести наскоро, но има и некои неконвенционални идеи за тоа како да му пристапи на реваншот со Макс Холовеј на UFC 329.
Мекгрегор се повреди откако несмасно стапна на десната нога на почетокот од борбата против Холовеј и не можеше да продолжи и покрај обидите. Коленото на Ирецот веќе е прегледано и тој ги чека резултатите од скенирањето. Тие ќе го откријат обемот на штетата.
Во среда навечер, Мекгрегор на Инстаграм, предложи резултатот од борбата против Холовеј да се промени во „no contest“ и на фановите кои загубија да им бидат вратени облозите.
„Неколку забелешки“, пишуваше на текстуална слика објавена од Мекгрегор на Инстаграм.
„1. Утре (денес) ќе ги имам резултатите од скенирањето на мојата нога.
2. Борбата треба да се прогласи за неодржана и сите облози да бидат вратени.“
И двата предлози на Мекгрегор имаат речиси нула шанси да се случат. Технички нокаут поради повреда може да се случи во кое било време за време на борбата, без разлика дали во првата или последната минута. Исто така, немало нечесна игра од страна на службените лица, па затоа е речиси сигурно дека жалбата би била отфрлена.
Што се однесува до обложувалниците, некои апликации нудат заштита за рани повреди во спортски натпревари и може да бидат поблаги кон своите клиенти во случај на несреќа. ММА борбата, сепак, е сосема поинаква приказна, бидејќи повредата директно води до конечниот резултат.
Кладилниците заработија огромни суми пари од поразот на Мекгрегор, бидејќи огромното мнозинство облози беа на тоа тој да го победи Холовеј.
Ако Мекгрегор некако успее да ги убеди кладилниците да им ги вратат парите на своите клиенти, тоа би било без преседан.
