Конечно, објавени се нови детали од егзибицискиот боксерски натпревар помеѓу Мајк Тајсон и Флојд Мејведер.
Претходно, Тајсон објави дека ќе се бори со Мејведер во Африка во март, а сега конечно се познати локацијата и точното време на борбата.
Поранешните боксерски шампиони ќе се борат во Конго, а наместо во март, борбата ќе се одржи на 25 април.
Тајсон ќе има 59 години, а Мејведер 49 години во времето на борбата, а го избраа Конго како почит кон легендарниот натпревар „Rumble in the Jungle“ помеѓу Мухамед Али и Џорџ Форман, кој се смета за еден од најважните во историјата на боксот.
Тајсон е поранешен светски шампион во тешка категорија, а од 59 борби, тој победи во 50 од нив, од кои 44 со нокаут.
Во својата кариера, Мејведер оствари 50 победи од исто толку борби и освои дури 15 големи светски титули во пет тежински категории.
