Шампионот во перo категорија на UFC, Александар Волкановски, го изрази своето незадоволство од фактот што организацијата продолжува да ја одложува неговата борба против претендентот број еден, Мовсар Евлоев.
Русинот ја зацврсти својата позиција на врвот на ранг-листата по победата над Лерон Марфи, но и покрај ова, сè уште не добил шанса за титулата, што предизвикува тензии кај самиот шампион.
„Ќе се борам со кого и да ми даде UFC“, рече Волкановски во видео на социјалните мрежи. „Но, уште колку пати ќе се борам со други луѓе додека има јасен претендент број еден? Се чини смешно… И доаѓа до точка каде што изгледам лошо затоа што не се борам со претендентот број еден.“
Австралиецот со македонски корени нагласи дека за него, логичниот следен противник е токму Евлоев.
„Очигледно е дека треба да биде Мовсар. Јас сум многу обичен шампион – се борам со најдобрите. Дури и ако UFC инсистира на некој друг, нека биде така, но тогаш ќе се прашам: „Што правам јас тука? Само ги трошам последните години од мојата кариера?“ додаде Александар Волкановски.
Ситуацијата ја доведува во прашање следната одбрана на титулата во перо категорија и може да доведе до сериозни одлуки од страна на шампионот.
