Германската репрезентативка во боб-санкање Лиза Буквиц, олимписката шампионка во 2018 година, мораше да отвори профил на платформата „Only Fans“ за да собере пари за подготовките за претстојните Зимски олимписки игри во Милано.
Буквиц им изјави на германските медиуми пред Зимските олимписки игри, кои започнуваат на почетокот на февруари, дека нејзиното појавување на натпреварувањето не би било можно доколку не отворила профил на платформата за возрасни, бидејќи ги заработила потребните пари објавувајќи свои провокативни фотографии на платформата.
Сепак, Буквиц објавува само фотографии од тренинг, во спортска опрема или во бикини, и вели дека „никогаш нема да се соблече“.
„Дефинитивно никогаш нема целосно да се соблечам. Претплатата на мојот профил чини околу 25 долари, а тоа ми помогна финансиски да го обезбедам целиот мој тим“, вели Лиза Буквиц.
Таа истакнува дека одењето на Олимписките игри не би било можно доколку се потпирала само на „традиционални спонзори“ и дека поради ова, сè поголем број спортисти посегнуваат по нови форми на приход, вклучително и „Only Fans“.
„Јас сум олимписка шампионка, но никој не е заинтересиран за мене само поради тој медал. Жално е што не можам да се фокусирам само на спортот“, вели Буквиц.
Потребни ѝ се околу 50.000 евра годишно за тренинг кампови, авионски билети, опрема и други спортски трошоци. Толку заработува и објавувајќи фотографии и видеа на гореспоменатата платформа.
Со тие пари и редовната плата што ја добива во германската армија, Буквиц успева да истрае во овој зимски спорт, и продолжува да сонува за освојување нови медали.
