Менаџерот на Манчестер Јунајтед, Мајкл Карик, сака да го врати Маркус Рашфорд на „Олд Трафорд“, според англиските медиуми.
Рашфорд игра за Барселона како позајмен од Јунајтед оваа сезона и дава одлични настапи за актуелниот шпански шампион.
Англичанецот постигна девет гола и додаде девет асистенции на 31 натпревар во сите натпреварувања оваа сезона, а претходно објави дека сака да остане на „Камп Ноу“.
„Она што го сакам е да останам во Барса. Тоа е мојата крајна цел. Барса е огромен, фантастичен клуб, изграден за освојување титули. Од моментот кога пристигнав, се чувствував многу добредојден. Се наоѓам на совршено место и средина за да го продолжам моето патување како фудбалер, па затоа само се обидувам да дадам се од себе секој ден и да му помогнам на тимот да победува. Ќе видиме што ќе се случи следното лето“, изјави Рашфорд во декември.
Ако Барса сака да го задржи Рашфорд, ќе мора да плати откупна клаузула во износ од 35 милиони евра.
Фото: Јутјуб/Принтскрин/PC10HD
