Жозе Мурињо не се двоумеше долго околу изборот на дом по враќањето во Мадрид. Португалскиот стручњак повторно ја избра луксузната вила во која живееше за време на неговиот прв мандат како тренер на Реал Мадрид.
Според „Мундо Депортиво“, Мурињо се населил во Ла Финка, една од најексклузивните и најзаштитените населби во Мадрид, која е позната како омилено место за бројни познати личности.
Куќата на Мурињо се протега на површина од околу 1.400 квадратни метри, додека целиот имот се протега на повеќе од 5.000 квадратни метри.
Луксузната вила е уредена во модерен стил и се карактеризира со пространи соби, високи тавани и големи стаклени површини кои овозможуваат многу природна светлина.
José Mourinho, de 63 anos, voltou ao Real Madrid e recuperou também um velho refúgio na capital espanhola. O treinador português escolheu novamente uma luxuosa mansão na exclusiva urbanização La Finca, em Pozuelo de Alarcón, onde já tinha vivido durante a primeira passagem pelo… pic.twitter.com/DCwUEVT7Sw
— 24Horas (@24horaspt) August 23, 2026
Посебен дел од имотот е пространиот надворешен простор, со голема градина, места за релаксација и базен. Сепак, луксузот не е единствената причина зошто Мурињо одлучи да се врати во Ла Финка. Безбедноста и приватноста играат голема улога.
Улиците во населбата не се јавни, влезот е строго контролиран, а пристап имаат само закупци и овластени лица. Ова е особено важно за Мурињо, кој со години е една од најпознатите и најекспонираните личности во светскиот фудбал.
Таквото ниво на луксуз, секако, има своја цена. Мурињо наводно плаќа околу 20.000 евра месечно за кирија на вилата, што е приближно 240.000 евра годишно.
Португалецот ја користел истата куќа за време на својот прв престој во Мадрид. Во тој период, за три години кирија, издвоил околу 720.000 евра.
Мурињо се врати во Мадрид поради новиот ангажман во Реал, и ја отвори сезоната со победа. Кралскиот клуб го победи Еспањол со 2:1 на гости, и ги освои трите бода со драматичен гол во последната минута од натпреварот.
