Легендарниот француски напаѓач Тиери Анри повторно привлече внимание на социјалните мрежи, а овој пат причината е неговата импресивна физичка форма и фотографијата што ја сподели по напорниот тренинг.
Поранешниот голгетер на француската репрезентација објави фотографија без маица на Инстаграм, направена по едночасовен тренинг во теретана. Фотографијата јасно покажува дека дури и на 48 години е во врвна форма, а со објавата сподели и краток совет: „Работете напорно, јадете здраво, без шеќер“.
Објавата не остана незабележана, а меѓу оние што реагираа беше и напаѓачот на Реал Мадрид и репрезентацијата на Франција, Килијан Мбапе.
Мбапе ја коментираше фотографијата на Анри со доза на хумор и восхит.
„Да, стари, разбирам“, напиша Мбапе во коментарот.
Анри кратко одговори со еден збор: „дисциплина“, придружена со емотикон во форма на срце.
Иако никогаш не играле заедно за репрезентацијата, јасно е дека постои меѓусебно почитување меѓу двајцата одлични француски напаѓачи. Анри со години беше рекордер за најмногу голови за Франција, рекорд што подоцна го сруши Оливие Жиру.
Мбапе моментално е само два гола зад 57-те голови на Жиру за „триколорните“, а се очекува наскоро да стане и нов рекордер за француската репрезентација.
За потсетување, Анри ја заврши кариерата во 2014 година со американскиот клуб Њујорк Ред Булс, но очигледно сè уште се грижи за својата физичка подготвеност и здрав начин на живот.
