Лука Дончиќ потврди дека ја раскинал веридбата со Анамарија Голтес, објавија американските медиуми. Словенечкиот кошаркар даде кратка изјава во која рече дека неговите деца се на прво место и дека нивната среќа му е најважна.
„Ги сакам моите ќерки повеќе од сè и направив сè што можев за да бидат со мене во Соединетите Држави во текот на сезоната, но тоа не беше можно, па неодамна донесов тешка одлука да ја раскинам веридбата“, рече Дончиќ во изјава објавена од ESPN.
Тој додаде: „Сè што правам, го правам за среќата на моите ќерки и секогаш ќе се борам да бидам со нив и да им го дадам најдобриот живот што можам.“
Дончиќ не даде дополнителни детали за неговата приватна ситуација, а целиот случај досега остана во сферата на личниот живот на едно од најголемите кошаркарски имиња денес.
Ѕвездата на Лос Анџелес Лејкерс повторно игра на врвно ниво оваа сезона и е еден од клучните играчи за својот тим, а во исто време се соочува со предизвици надвор од теренот.
Приватниот живот на спортистот продолжува да предизвикува голем јавен интерес, но засега нема многу официјални информации освен кратката изјава што ја објавија американските медиуми.
