Веројатно никој не ја очекуваше оваа информација, но се чини дека седумкратниот шампион во Формула 1, Луис Хамилтон, се забавува со ријалити ѕвездата Ким Кардашијан. Тие беа снимени заедно на романтичен викенд во близина на Оксфорд, а сите детали од нивната романса беа објавени од „The Sun“.
Според таблоидот, парот престојувал во ексклузивниот хотел „Естел Манор“ во Котсволдс, каде што собите можат да чинат 1.000 фунти (1.150 евра) од ноќ. Ким долетала таму од Лос Анџелес со својот приватен авион за да ја помине вечерта со британскиот Ф1 возач. Извори велат дека им било дозволено ексклузивно користење на луксузниот спа-центар во кантри клубот во Витни, Оксфордшир, пред да вечераат во приватна соба.
„Сè изгледаше многу романтично. Ким и Луис ги искористија сите погодности. Таа имаше двајца телохранители со себе, но и Хамилтон имаше чувар, но тие останаа во позадина. Двајца од тројцата стоеја како стражари пред вратата од нивната соба за никој да не може да ги вознемирува“, изјавил извор за британскиот весник.
Изворот за „The Sun“ додал: „Тие резервираа масажа и целосно ги искористија сите содржини само за нив двајца. Беше многу тивко – очигледно сакаа малку време за себе. Вечераа во приватна соба навечер, па немаше други гости наоколу. „Естел Манор“ е неверојатно место за состанок, толку е луксузно и гламурозно.“
Иако очигледно многу се труделе да се сокријат, Хамилтон билвиден во теретана следниот ден наутро, а потоа се одјавиле од хотелот околу 11 часот наутро и заминале со два различни автомобили до аеродромот, во кој влегле низ различни порти.
„Додека Хамилтон одеше наоколу и ја користеше влезната врата, Ким беше воведена низ страничната врата. Не можеше да се пропушти – имаше околу осум куфери со нејзиното име врежано од страната. Еден од нејзините телохранители ја носеше нејзината огромна чанта Биркин, која изгледаше толку тешка што мораше да ја крене со двете раце до автомобилот. Гостите што ги забележаа мрмореа за тоа, бидејќи додека „Естел Манор“ обично има познати – и многу богати – гости, не гостуваат секој викенд Ким Кардашијан и Хамилтон“, открил изворот за изданието.
Кардашијан (45) и Хамилтон (41) се познаваат со години, а Хамилтон беше близок со Канје Вест, поранешниот сопруг на Ким. Тие беа фотографирани со нивните тогашни партнери, Канје и Никол Шерцингер, на доделувањето на наградите „GQ Men of the Year“ во Лондон во 2014 година. Хамилтон е добар пријател и со сестрата на Ким, Кендал Џенер, и нејзината мајка, Крис Џенер. Семејството Кардашијан-Џенер често се присутни на трките во Формула 1.
По разделбата од својот трет сопруг во 2021 година, Ким остана блиска со Хамилтон, а двајцата добија награди на наградите „Wall Street Journal Innovators Awards“. Ким и Хамилтон последен пат беа видени заедно по новогодишната забава на Кејт Хадсон, каде што заминаа одделно.
Фото: Инстаграм
