Фудбалскиот клуб Милан планира да потпише договор со српскиот напаѓач, Душан Влаховиќ, пишуваат италијанските и српските медиуми.
Двете страни се поврзуваат веќе неколку преодни рокови, но Влаховиќ сè уште е во Јувентус.
Неговиот договор со „Старата дама“ истекува на крајот од сезоната и сè уште не е продолжен.
Тој моментално се опоравува од повреда и не би било изненадувачки ако повторно соработува со Макс Алегри од јуни.
Влаховиќ одигра 13 натпревари и постигна три гола пред повредата.
Србинот е член на Јувентус од јануари 2022 година, кога пристигна од Фиорентина за 83,5 милиони евра.
Фото: Јутјуб/Принтскрин/Јувентус
