Некогаш третата тенисерка во светот, сега 43-та на планетата – Марија Сакари, објави дека ќе се мажи за својот долгогодишен партнер Константинос Мицотакис, син на грчкиот премиер Киријакос Мицотакис.
Многумина беа заинтересирани кои ќе бидат гостите од светот на тенисот, а Марија Сакари откри за рускиот Јутјуб канал „Прво и црвено“ кој од тенискиот свет ќе биде поканет.
– Ѓоковиќ ќе биде меѓу гостите. Ќе има и други луѓе од светот на тенисот. Ќе ги поканам Ајла Томљановиќ, Дона Векиќ, Белинда Бенчиќ и Сорана Кирстеа. Како и Стефанос Циципас и неговиот брат Петрос. Ќе поканам и неколку грчки тенисери со кои пораснав и имав неверојатни моменти на универзитетот. Дефинитивно ќе поканам повеќе од нив пред свадбата – рече Сакари.
Новак и грчкиот премиер Киријакос Мицотакис имаат одличен однос:
– Новак и мојот иден свекор се многу блиски – рече Сакари, а познато е дека Ѓоковиќ често бил во Атина, каде што има куќа, во последните две години.
