Еурофарм Пелистер ќе биде единствениот претставник од Македонија во новата сезона на Лигата на Европа, откако од ЕХФ официјално го потврдија како учесник во второто по квалитет европско клупско натпреварување.
Од друга страна, Охрид не доби „вајлд карта“ и следната сезона ќе настапува во ЕХФ Европскиот куп.
Еурофарм Пелистер ќе биде дел од групната фаза и ќе се најде во првиот шешир пред ждрепката која е закажана за 17 јули. Во него се уште Фленсбург, Нексе, Татабања, Савехоф, Извиѓач, Бенфика и Бидасоа Ирун.
Во вториот шешир се Валур, Шафхаузен, Елверум, Лимож, Карвина, Гранољерс, Татран Прешов и Гумерсбах. Третиот го сочинуваат Сесвете, Хафнарфјордур, Бузау, Сен Рафаел, Слован, Шамбери, Торелавега и Ла Риоха, додека во четвртиот се ЦСМ Букурешт, Маритимо, Агуаш Сантас, Морс, Бергишер, Холстебро, Гдањск и Хамарби.
Битолскиот тим ќе го започне настапот на 29 и 30 септември, кога ќе бидат одиграни првите натпревари од новата сезона.
