Голманот на Пари Сен Жермен, Матвеј Сафонов, беше еден од клучните играчи во сезоната во која францускиот клуб го освои домашното првенство, а сега брка нова голема цел; трофејот од Лигата на шампионите, откако минатата сезона стигна до европската титула за прв пат во историјата на клубот.
Пред клучниот натпревар, Сафонов се најде во центарот на вниманието поради необична објава што дојде од социјалните мрежи. Актерката во филмови за возрасни Мери Рок јавно му испрати порака во која „му понуди мотивација“ за успех во Лигата на шампионите.
Според нејзината објава, Сафонов ќе добие „специјална награда“ ако ја освои Лигата на шампионите, додека таа даде и низа симболични ветувања поврзани со неговите одбрани во финалето. Пораката брзо стана вирална и предизвика бројни реакции.
Неговата сопруга Марина потоа одговори на сè, одговарајќи со ироничен тон во својата објава.
„Актерката му посака среќа на мојот сопруг во финалето на Лигата на шампионите и вети „жешка ноќ“ за секоја одбрана. Сепак, таа не знае дека „жешка ноќ“ за нас значи гледање телевизија, решавање крстозборки и гаснење на светлата во 23:30 часот затоа што мора да оди на тренинг наутро“ – напиша Марина на социјалните мрежи.
Мери Рок претходно изјави дека нејзината цел е да го мотивира рускиот голман на свој начин и да му даде дополнителен поттик пред крајот на сезоната, во која ПСЖ има големи амбиции на европската сцена.
Сафонов пристигна во ПСЖ од Краснодар со отштета од околу 20 милиони евра, а неговото доаѓање во Париз беше проследено со одредени компликации од неговиот приватен живот. Руските медиуми претходно известуваа за правни проблеми поврзани со алиментацијата и судските постапки со неговата поранешна сопруга.
Како што пишувавме за ова и претходно, во тој период тој се соочи со ограничувања за патување поради нерешени финансиски обврски, а случајот привлече големо внимание од јавноста. Иако околностите подоцна беа решени, целата ситуација остави трага на почетокот на неговата епизода кај парижните.
Сафонов подоцна се прежени, а неговата сегашна сопруга Марина Кондратјук сега повремено дава јавни изјави во врска со медиумските написи што го следат неговиот приватен живот.
